SULE PESTE DE DANTE A VERONA

I

Se s-rodola ‘n’ eco nela sera
su sto basalto che se sbeca
“ in mezo al camin de nostra vita”
par le Arche col Cangrande in sela
nela piaza granda dei Signori
Anca Dante el ga pestà la piera rossa
tra i vicoli a gonbio de Verona
par rivare co’ la “questio de aqua e terra”
ala ciesa de Sant’Elena in quarelo.

…s-gionfo l’Adese el score par de drio,
con ‘n’aqua che ga sgrisoli de fredo…

II

Cinabro e oro ala Capitolare
e ala Corte Sgarzarie… gemi de lana
e n’Academia che la ruma
tra le bronze del’Inferno
par catare de chel Somo la sapienza,
supiando sula zenare del’ignoranza mia.

…n’ostaria e le botege coi telari
par cardare i rizoli de pegora…

III

Madona antica l’è Verona
in Piaza dele Erbe
coi pomi e co’l moleta soto i onbreloni,
e po’la Casa de Mazzanti,
coi afreschi sgrostà de on tal Cavalli.
La vera sora pozo e San Marco col leon.
El gheto co’ le so case alte…
e Dante che camina soto i archi dela Logia,
par nar sula scala ornà dal santo oselo
in do el so primo ostelo el ga catà.

… Vien zo dale Toresele zuche e sisole,
dopo i brusaoci dela primavera…

IV

Ponte de Piera con la tore che la varda
dei romani el so teatro.
El Liston con taolini e goti
e l’Arena in do el Poeta el ga visto i so gironi…
Sant’Anastasia… San Fermo
co’ l’altare de fameja dei Alighieri,
i merli coi cocai a Castelvecio,
San Zen e la so Tore cantà nel Purgatorio…

…San Zen che ride scoltando ‘ste parole
spanpanà a sanfason par le strade de Verona…

V

Qua Dante de sicuro el Paradiso el ga catà,
lassando le so peste nela me Verona.
E desso alto nel so mantel de piera
dala Piaza el varda ‘sta nostra “vita nova”.
Lu, che za ben la conosea da setezento ani e pì,
intonando el so eterno canto
nela Divina poesia dela so Comedia.

SULLE ORME DI DANTE A VERONA

I

Si srotola un’eco nella sera
su questo basalto che si sbreccia
“in mezzo al camin di nostra vita”
per le Arche con Cangrande in sella
nella Piazza grande dei Signori…
Anche Dante ha pestato la pietra rossa
a i vicoli a gomito di Verona
per arrivare con la “questio de aqua e terra”
alla chiesa di Sant’Elena in mattoni.

…gonfio l’Adige dietro scorre,
con l’acqua che ha brividi di freddo…

II

Cinabro e oro alla Capitolare
e ala Corte Sgarzarie…gomitoli di lana
e un’Accademia che rovista
tra le braci dell’Inferno
per rinvenire del Sommo la sapienza,
soffiando sulla cenere della mia ignoranza.

…un’osteria e le botteghe con i telai
per cardare il vello della pecora…

III

Madonna antica è Verona
in Piazza delle Erbe
con le mele e l’arrotino sotto gli ombrelloni
e poi la Casa dei Mazzanti
con gli affreschi scrostati di quel Cavalli.
La vera sopra il pozzo e San Marco con il leone.
Il ghetto con le sua alte case…
e Dante che cammina sotto le arcate della Loggia,
per salire sulla scala ornata dal santo uccello,
dove il suo primo ostello ha trovato.

…vengono giù dalle Torricelle zucche e giuggiole
dopo il tarassaco della primavera…

IV

Ponte Pietra con la torre che guarda
il teatro dei romani
Il Listone con tavolini e bicchieri
e l’Arena dove il Poeta ha immaginato i suoi gironi
Sant’Anastasia…San Fermo
con l’altare di famiglia degli Alighieri,
i “merli” con i gabbiani a Castelvecchio,
San Zeno e la sua Torre cantata nel Purgatorio…

…San Zeno che ride ascoltando queste parole
sparse maldestramente per le strade di Verona…

V

Qui Dante di sicuro il Paradiso ha trovato,
lasciando le sue orme nella mia Verona.
E adesso alto nel suo mantello di pietra
dalla Piazza guarda questa nostra “vita nova”.
Egli, che già ben la conosceva da settecento anni e più
intonando il suo eterno canto
nella Divina poesia della sua Commedia.

TRA I SPINARI CARGHI DE SISARA

L’è macià dai me pasi la neve
e ancora no’ vedo chela casa
tra i spinari carghi de sisara,
longo el trodo che camina a bisaboa…
Me ponsarò ‘pèna rivo,
mai sazia de sfregare
sul’aciarin del core
la piereta catù su
sul giararo dei me giorni:
par ‘na sginza de speranza,
che l’inpiza le stèlete taià
su ‘sto zoco senza scorza
co’ la lama lustra de on stegagno…
…par butarle lì tra le ramete de fasina
sula mare del camin
a desfarse tra i sguizi del me fogo.

TRA LE ROBINIE CARICHE DI BRUMA

E’ macchiata dai miei passi la neve
e ancora non vedo quella casa
tra le robinie cariche di bruma,
lungo il sentiero che cammina a onda…
Mi riposerò appena arrivo,
mai sazia di sfregare
sull’acciarino del cuore
la pietra focaia raccolta
sulla ghiaia dei miei giorni:
per una scintilla di speranza,
che accenda i piccoli pezzi di legna tagliati
sul questo ceppo senza scorza
con la lama lustra di un’accetta….
per buttarli lì tra i rametti di una fascina
sul focolare
a disfarsi tra i guizzi del mio fuoco.