“CA TO BINIDIZZIONI”

Mastru Janu aveva tri figghi, tutti e tri schetti, ca u iutavunu ’nta campagna. Na sira i
chiamau pi parrarici. ‘Vi fici veniri, picchì iu mi ni staiu jennu. Sugnu vecchiu,
acciaccatu e non mi manca assai ppi moriri. Chiddu ca è miu vi l’ata spattiri: sti du
piani di casa e u ficu nto jaddinu. Vu spiu, cchi scigghiti, a casa o u ficu?’ Minicu
ppi primu: ‘Patri miu…mi cuntentu do pian terrenu: fra cuntu i scali non fanu chiu
ppi mia. Grazi.’ Giuanni sicutau: ‘Patri miu, u restu da casa dammillu a mia!’
Saruzzu nenti diceva. Si susìu mastru Janu e ci dissi: ‘Saru, ’nsemi o ficu e u jaddinu,
ti dugnu a mo binidizzioni: mi ti duna, u Signuri, tanta ’razzia e bona furtuna! E
accussì sia.’ Chi bellu vadagnu, fici Saru! Videmu comu ci campa ca to binidizzioni!
Passati na para di jorna, u pouru mastru Janu murìu. Dopu u funerali, subbitu e frati
ranni ci aggiuvava a casa, Saru si n’ava ghiri. ‘Datimi quacche jornu’.
L’indumani ammatina Saru si susìu prestu, cugghìu ’nbellu panaru di ficu sapuriti e,
si ncamminau vessu a città. Ppi strada ncuntrau ’nvicchiareddu, piegatu, senza scappi
ne pedi, ca si trascinava ppi fozza. Chissu, prudenti, ci spiau: ‘Giuvini, cchi puttati na
stu panaru?’ Saru cu gentilezza ci pruìu u so cestu, dicennuci ‘Sunu ficu do mo
jaddinu: assaggiatini quaccuna.’ Fu cuntentu assai, sulu ca mitteva i scocci no stissu
panaru. Quannu fu sazziu, u ringraziau e, binidicennulu, si ni ju. Saru, furiatu
l’angulu, s’addunau nto panaru, ppi ciccari i scocci, e nveci aristau senza paroli: non
ci nnerunu! O postu de’ scocci c’erunu ficu ancora chiù ‘rossi! Ma cu era?
‘Ficu, ficu, li belli ficu! Vuliti assaggiari ficu di prima qualità?’ Vanniava e a genti
s’affacciava; ’ncristianu s’avvicinau e i vosi pruvari. Era u maggiordomu do Re e si
pigghiau tutti iddu. Felicissimu, Saru, si ni tunnau. I frati, curiusi e mmidiusi: Ora ci
pruamu macari nuatri!
Pattìu Minicu prestu, l’indumani, co panaru sutta ascidda, cuntentu. Ppi strada
ncuntrau u vicchiareddu sciancatu. ‘Giuvini, chi puttati?’ Minicu si fici bruttu nta
facci, Ora tu fazzu vidiri iu ‘Corna pottu! Ni vuliti?’ E u vecchiu: ‘Ah sì? Corna
potti? E corna t’avissuru a divintari!’
‘Ficu, ficu, li belli ficu!’ U maggiordomu, sintennu a stissa vannìata, u fici trasiri e
accumudari nto saloni. ‘Cu siti? Aieri vinni nautru, mi pozzu fidari?’
‘So frati, sugnu: l’abburu è u stissu, ora u viditi.’ Ci pinsau ’nattimu, u re, e poi ci
dissi ‘Allura svutati ca u vostru cestu, supra u mo tavulu prigiatu. ’Minicu svutau u
panaru e si sintìu scrusciuni di … corna ca cascaunu! Non vu pozzu diri cchi
successi, dopu… Tunnau a casa, tuttu ruttu, nta nuttata. Ci cuntau tuttu cosi a so
frati. ‘Ci vaiu iu, dumani, non ti prioccupari’. E l’indumani pattìu Giuanni; stava
accura: si tineva strittu u panaru. Ppa stissa strada, u solitu vicchiareddu sciancatu.
‘Giuvini, cchi puttati?’. ‘Fangu! Ni vuliti, ppi casu?’ ‘Ah sì? Fangu? E chissu
t’avissa addivintari!’ Poi prosiguìu pa so strada. Davanti o palazzu do re, Giuanni si
misi a vannìari:‘Ficu, ficu, li belli ficu!’ Stavota u maggiordomu ci fici na dumanna
‘Cu siti?’ Giuanni ci dissi ca a so frati ciaunu arubbatu u panaru. U re, scantatu, dissi
di svutari u cestu supra u so tappetu: e ci arivau ’na cascata di fangu luridu e fitusuni!

’Npocu i tempu dopu, Saru aveva novità: ava canusciutu ’na bedda carusa e si stava
maritannu. Grazi e ficu e a so bona vuluntà, ora si ni puteva iri. ‘Chi facci ci aviti?
Non v’abbiliati, ni jemu vidennu: aia veniri a curari l’abburu ca mo patri m’affidau!’

“CON LA TUA BENEDIZIONE”

Il signor Janu aveva tre figli, tutti e tre scapoli, che lo aiutavano in campagna. Una
sera li chiamò. ‘Vi ho fatti venire qua, perché io me ne sto andando. Sono vecchio,
acciaccato e sto per morire. Ciò che è mio ve lo dovrete dividere: questi due piani di
casa e il fico del giardino. Vi chiedo: che scegliete, la casa o il fico?’ Domenico per
primo: ‘Padre mio, preferisco il pian terreno: fra poco le scale non fanno più per me.
’ Giovanni seguì: ‘Padre, il resto della casa dallo a me!’ Saro non diceva niente.
Allora il signor Janu si alzò e gli disse ‘Saro, insieme al fico e al giardino, ti do la mia
benedizione: che il Signore ti dia tanta grazia e buona fortuna! E così sia!’ Che bel
regalo! Vediamo come ci campa con la tua benedizione!
Passarono solo un paio di giorni e il povero signor Janu morì. Dopo il funerale, ai
fratelli maggiori serviva la casa, Saro se ne doveva andare. ‘Datemi qualche giorno’
L’indomani mattina, Saro si alzò presto, raccolse un bel cesto di fichi e si in-
camminò verso la città. Per strada incontrò un vecchio, curvo, senza scarpe, che si
trascinava a stento. Questo, prudente, gli chiese: ‘Giovane, che portate nel vostro
cesto?’ Saro con gentilezza gli porse il cestino, dicendogli: ‘Sono fichi del mio
giardino; assaggiatene qualcuno.’ Fu molto contento, ma gettava le bucce nello
stesso cesto. Quando si saziò, lo ringraziò e, benedicendolo, se ne andò per la sua
strada. Saro, svoltato l’angolo, guardò nel cestino per cercare le bucce e rimase senza
parole: non ce n’erano! Al posto delle bucce adesso c’erano fichi ancor più grossi
di quelli consumati! Ma chi era?
‘Fichi, fichi, i bei fichi! Volete assaggiare fichi di prima qualità?’ Gridava così per le
strade e la gente si affacciava. Un tale si avvicinò e volle provarli. Era il
maggiordomo del re e li comprò tutti quanti. Felicissimo, Saro, tornò a casa. I fratelli,
curiosi, e invidiosi: Ora ci proviamo pure noi!
Domenico partì presto, l’indomani, con il cesto sottobraccio, tutto contento. Per
strada incontrò il vecchio zoppo. ‘Giovane, che portate?’ Domenico si indispettì, Ora
ti faccio vedere… ‘Porto corna, ne volete?’ E il vecchio: ‘Ah sì? Porti corna?
E corna ti diventino!’
‘Fichi, fichi, i bei fichi!’ Il maggiordomo, sentendo lo stesso modo di gridare, lo fece
accomodare nel salone. ‘Chi siete? Ieri è venuto un altro, mi posso fidare?’ ‘Sono
suo fratello: l’albero è lo stesso, ora lo vedrete.’ Ci pensò su un attimo, il re, e poi
disse: ‘Allora svuotate qui il vostro cesto, sul mio tavolo pregiato.’ Domenico svuotò
il cesto e si sentì un gran fracasso di…corna che cadevano! Non vi posso dire ciò che
accadde dopo… Tornò a casa, tutto rotto, a notte fonda e raccontò tutto a suo fratello.
‘Domani ci vado io, non ti preoccupare.’ Così l’indomani partì Giovanni; stava
attento, si teneva stretto il cesto. Per la stessa strada, il solito vecchio zoppo.
‘Giovane, che portate?’ ‘Fango, ne volete?’ ‘Ah sì, fango? E fango ti diventi!’ Poi
proseguì per la sua strada. Davanti al palazzo del re Giovanni gridò la sua merce.
Stavolta il maggiordomo gli rivolse serio la domanda: ‘Chi siete?’ Giovanni spiegò
che al fratello avevano rubato il cestino. Il re, allarmato, gli fece svuotare il cesto sul
tappeto: e vide una cascata di fango maleodorante cadervi sopra!
Qualche tempo dopo, Saro aveva conosciuto una bella ragazza e si stava per sposare.
Grazie ai fichi e alla sua buona volontà, ora poteva trasferirsi altrove.
‘Che facce avete? Non vi preoccupate, lo stesso ci vedremo: devo venire a curare
l’albero che mi ha affidato mio padre!’