ROSA
Rosa l’e un bel nome, rapresenta la vita: bela parchè a xe sempre un regalo, ma mai sensa spine.
Sta Rosa a xera na bea tosa, con i oci e i cavei mori, na boca carnosa, baseta, infati a doparava sempre un sgabeo par rivare alle portee pi alte dela credensa. A ieara una semplice, alla bona. In fameja a jera l’unica femena, con do fredei e so pare, parchè so mare a xera morta, sichè mestieri da fare ghin gaveva fin che a voeva. A ndava su pai ventiquattro ani, na età pì che giusta par maridarse considerando che coreva el 1940. Ea na idea de chi che potese esere el futuro sposo la gaveva: a xera inamorà de un serto Bepi, alto e scarmo, un bel moro. E Bepi par chel ricambiase, infati el se gavea presentà a filò na sera. El problema xera che Bepi el ndava a opera nea stae dei Cogo parché non el gaveva nianca un campo suo, l’era un puareto infante. Così so pare dea Rosa non diede el consenso parché non voeva vederla patire a fame. La fameja de ea, infati, non xe che a fuse siora, ma un pochi de campi i gavea e da magnare ghin xera sempre. Nel fatempo, Piero, so fradeo, se sposò e el portò in fameja la mojere, Antonia. Na lavoratrice, ma non a xera portà par star casa coi fioi tuta a giornata. Ea a ghe voeva ben ai tusi, ma par star serena a doveva fare anca dell’altro, movarse fora. A Rosa ghe faseva pecà so cognà con na gravidansa al’ano e con un toseto apena morto de frescudene, così a stava ea casa coi nevodi e la lasava a straviarse via nei campi, parché rento a xera sempre malinconica. Intanto pasò un pochi de ani, altri pretendenti se iera presentà alla Rosa, ma tuti ciapai male coi schei e po’ ea gavea in mente ancora el so Bepi che nel fratepo el se gave maridà co naltra. Insoma poco dopo anca chealtro fradeo, Toni, xe maridò. Alora, ala Rosa, a ventioto ani, da maridare e casa con do cognae e so pare, ghe pareva proprio de esere de tropo, così a se mise a pensare a na solusion. Ma cosa gavarissea podesto fare, a chei ani là, na femena da sposare, sensa un laoro e sensa essere studià? Chi xe che la gavaria mantegnesta? La iera proprio scoraià. L’unica via de fuga jera proporse come serva del prete del paese. Quea chel gaveva e jera pena morta e el posto se jera liberà. Na femena come ea, da sposare, a jera adata. Non che l’idea la entusiasmase pì de tanto, ma la voia de indipendensa a jera pì forte.
All’inisio, a nova vita ghe xe parsa na libersasion, ma sta sensasion la durò poco. Ea ghe a meteva tuta a pareciare mejo che a poeva da magnare, ma el prete l’era uno abstansa pretensioso che non se faseva scrupoi a dire che a menestra non ghe piaseva o che a carne a jera masa cota e la lasava là. Quea prima a jera sta na cuoca spaciae e non a poeva regere el confronto anca se non a iera mae nianca ea. Dopo, restando in paese, speso a se sentiva adità e par niente considerà. L’avilimento la ciapò così tanto che a dovete farse dee punture par rimetarse e la decise de far la serva del prete in naltro paese lì visin par sentirse manco osservà. Lì a rimase tanti ani finché a tornò par un periodo da so cognà, la mojere de Toni, che nel fratempo a jera rimasta vedova, par darghe na man con i campi e la stala, parchè ea a jera una dal cuore d’oro. E robe pareva ndar ben, ma eco che a fu colpia da un bruto mae, uno de quei che non lasia scampo. Na volta, un poco ignoranti, i pensava che chei mai là i fuse contagiosi, quindi né la cognà, né chealtro fradeo, che nel fratempo l’era in casa con un fiolo sposà, gaveva caro ospitarla. Rosa a xe morta in un ricovero, sola. Ma, par fortuna, non tuti ga dismentegà la so storia.
ROSA
Rosa è un bel nome, rappresenta la vita: bella perché è sempre un regalo, ma mai senza spine. Questa Rosa era una bella ragazza, con occhi e capelli scuri, una bocca carnosa, era bassetta, infatti usava sempre uno sgabello per arrivare alle ante più alte della credenza. Era una semplice, alla buona. In famiglia era l’unica femmina, con due fratelli e suo papà, perché sua mamma era morta, quindi di lavori da fare ne aveva fin che voleva. Aveva quasi ventiquattro anni, un’età più che giusta per sposarsi considerando che correva l’anno 1940. Lei un’idea di chi potesse essere il futuro sposo ce l’aveva: era innamorata di un cero Bepi, alto e scarmo, un bel moro. E Bepi sembrava ricambiare, infatti si era presentato a filò una sera. Il problema era che Bepi andava a lavorare nelle stalle dei Cogo perché non possedeva neppure un campo, era molto povero. Quindi il papà di Rosa non diede il consenso perché non voleva vederla patire la fame. La famiglia di lei, infatti, non era ricca, ma possedevano un po’ di campi e da mangiare ce n’era sempre. Nel frattempo, Pietro, suo fratello, si sposò e portò in famiglia la moglie, Antonia. Una lavoratrice, ma non era portata per stare a casa con i figli tutta la giornata. Lei voleva bene ai bambini, ma per essere serena doveva fare anche dell’altro, muoversi un po’ fuori casa. A Rosa faceva pena questa sua cognata con una gravidanza all’anno e un bambino appena morto di una malattia che colpiva i neonati che provocava prurito e arrossamento agli occhi, così stava lei a casa con i nipoti e la lasciava a svagarsi nei campi, perché dentro era sempre malinconica. Intanto passarono un po’ di anni, altri pretendenti si erano presentati a casa di Rosa, ma tutti presi male con i soldi e poi lei aveva in mente ancora il suo Bepi che nel frattempo si era sposato con un’altra. Insomma, poco dopo, anche l’altro fratello, Toni, si sposò. Allora, a Rosa, a ventotto anni, da sposare e a casa con due cognate e suo papà, sembrava proprio di essere di troppo, così si mise a pensare ad una soluzione. Ma cosa avrebbe potuto fare, in quegli anni, una donna da sposare, senza lavoro e senza un titolo di studio? Chi l’avrebbe mantenuta? Era proprio scoraggiata. L’unica via di fuga era proporsi come perpetua del paese. Quella c’era era appena morta e il posto si era liberato. Una donna come lei, non sposata, era adatta. Non che l’idea la entusiasmasse più di tanto, ma la voglia di indipedenza era più forte.
All’inizio, la nuova vita le era parsa una liberazione, ma questa sensazione durò poco. Lei ce la metteva tutta a preparare da mangiare, ma il prete era uno pretenzioso che non si faceva scrupoli a dire che la minestra non gli piaceva o che la carne era troppo cotta e la lasciava là. Quella precedente era stata una cuoca speciale e non poteva reggere il confronto anche se neppure lei era male.
Dopo, restando in paese, spesso si sentiva additata e per niente considerata. Lo scoraggiamento la prese così tanto che dovette farsi delle punture per riprendersi e decise di fare la perpetua in un altro paese lì vicino per sentirsi meno osservata. Lì rimase tanti anni finché tornò per un periodo da sua cognata, la moglie di Toni, che nel frattempo era rimasta vedova, per darle una mano con i campi e la stalla, perché lei era una dal cuore d’oro. Le cose sembravano andare bene, ma ecco che fu colpita da un brutto male, uno di quelli che non lasciano scampo. Una volta, un po’ ignoranti, pensavano che quei mali fossero contagiosi, quindi né la cognata, né l’altro fratello che nel frattempo aveva in casa un figlio sposato, avevano piacere di ospitarla. Rosa è morta in una casa di riposo, da sola. Ma, per fortuna, non tutti hanno dimenticato la sua storia.