SU POPULU SARDU TENIT UN’ISTORIA

Su populu Sardu tenit un’istoria,
mancai fetzant de tottu po dda negai
e no siat iscritta ne is librus de istoria ,
nosu ka ddu scireus
e ‘ndi teneus memoria ,
doveri teneus de dda decrarai.

Innantis de Cristu milli e duxentus annus,
Is gherreris Shardana terrori fiant de s’Egittu,
e de s’Oriente ‘e mesu ,de Creta e de tottu
su mari nostru meris fiant incotrastaus,
sa genti de Fenicia e de Cartagine no fiant innoi
dominadoris ma cun is Sardus accumpangiaus.

Ampsicora cun Jostu su fillu, in unu primu
momentu allisau aiant a Roma su pilu,
a pustis de Vandalus e genti de Bisanti,arribat
Ospitoni rej de Brabaxa grandu omini de importu,
impari a su Papa nosi portant sa fidi vera, in su
sennori nostru, su Cristu resortu.

Is morus chi po tantus seculus anti circau de fai
De sa terra nostra sa conquista, andaus sin’ddi fiant
Tzappula tzappula e pista pista,
a pustis Genua cun Pisa chi benias fiant
contra is morus po s’aggiudai,
abarraus fiant po nosi ispruppai.

Grandu meritu a Marianu de Arbare’ po arreuni’
sa Sardigna intera sena essi stettiu giogu,
e a Lionora giughissa chi fattu at sa carta de logu,
ma passaus fiant de annus centu chi presenti
fut su catalanu e a Lepanto in battalla
su terciu Sardu bincit a su turcu ottomanu.

In sa gherra de is trint’annus,
fattu aiant sciaccu mannu is
sardus de su terciu, chi nddi prangint
ancora in terra de Flandra de tantas
mortis e distrutzionis, ka timiant prus su Sardu
de su fogu de is cannonis.

Candu Napolioni Bonaparte oliat
po Francia sa Sardinnia, beniu fut cun
navis de linna ,prenas de ominis e de armas,
agatau aiant a sa Maddalena Dominigu Millelire
e in Casteddu is milizias de Campidanu,
bogaus c’ iant su invasori corsiganu.

Arribat s’annu 1798 in su mesi Abrili
de diis 28, is Sardus de su “nara cixiri”
de su tirannu piemontesu aiant fattu sa bogada,
mai accuntessimentu fut tantu mannu
chi ancora in immoi in terra nostra
celebrada est cussa data donni annu.

Po fai de s’Italia s’unioni
Medas Sardus anti lassau sa vida,
tres gherras de risorgimentu,
po donai a tottus una nazioni,
aicci dae sa mammai Sarda,
una di de Marzu nascit s’Italia unida.

Benit sa gherra manna de su 15-18
cun sa brigata Sassaresa,in sa frontera
De Friuli, ne is montis de Asiago,
In su Piave fintzas a sa vittoria,
is ominis de su “fortza paris”
funti passaus de sa morti a sa groria. .

De intzandus po arribai a di de oi,
un’atra gherra at deppiu passai,
e su sardu perdit sa domu ma no sa corria,
sighint duus presidentis e circat
ancora sa genti, cali siat sa giusta bia,
chi mala est de dda agattai.

Oh populu Sardu tui tenis un’istoria,
mellus esti chi onnia logu e genti
‘nddi tengat sa memoria ,
de tottus is sacrifitzius e de sa groria
po si nddi pesai in manera dinnia,
tzerriendi tott’impari, custa est sa genti de Sardinnia.

IL POPOLO SARDO HA UNA STORIA

Il popolo Sardo ha una storia,
magari facciano di tutto per negarla
e non sia scritta nei libri di storia,
noi che lo sappiamo
e ne abbiamo memoria,
Abbiamo il dovere di renderla nota.

Mille duecento anni prima di Cristo
erano i guerrieri Shardana terrore dell’Egitto,
del medio oriente di Creta e di tutto
il mediterraneo erano padroni incontrastati,
le genti di Fenicia e di Cartagine non erano qui
dominatori ma con I Sardi accompagnati.

Ampsicora con il figlio Josto, in un primo tempo
avevano lisciato il pelo a Roma,
dopo Vandali e genti di Bisanzio, arriva
Ospitone re di Barbagia grande uomo importante,
che assieme al Papa portano la vera fede,
Nel nostro signore, il Cristo il risorto.

I mori che per tanti secoli hanno cercato di fare
la conquista della nostra terra, sen’erano
andati pesti e malconci,
dopo Genova e Pisa erano venuti
contro i mori per aiutarci,
sono rimasti per spolparci.
Gran merito a Mariano d’Arborea
per aver riunito l’intera Sardegna che non è poco,
ed a Eleonora che ha fatto la “carte de logu”
ma passati cento anni, che si trova presente
il catalano (dominio) e nella battaglia di Lepanto
Il Tercio di Sardegna vinse il turco ottomano.

Nella guerra dei trent’anni ,
hanno fatto un gran sconquasso
i Sardi del tercio, e piangono
ancora nelle Fiandre di tante
morti e distruzioni, da aver più paura
Dei Sardi che del fuoco dei cannoni.

quando Napoleone Bonaparte voleva
per la Francia la Sardegna, venne
con navi di legna cariche di uomini e armi,
trovò a La Maddalena Domenico Millelire
e a Cagliari i miliziani del Campidano,
Che cacciarono l’invasore corso.

Arriva l’anno 1798 il giorno 28 Aprile,
i Sardi che chiedevano “nara cixiri” (pronuncia cece)
fecero la cacciata dei tiranni Piemontesi,
mai avvenimento fu tanto grande
che ancora adesso nella nostra terra
Questa data è celebrata ogni anno.

Per fare l’unione d’Italia
molti sardi hanno lasciato la vita,
tre guerre risorgimentali
per dare a tutti una nazione,
così dalla mamma Sarda,
Un giorno di Marzo nasce l’Italia unita.

viene la grande guerra del15-18
con la Brigata Sassari, alla frontiera
del Friuli, nei monti di Asiago,
al Piave fino alla vittoria,
gli uomini del “forza paris” (grido di battalia)
Sono passati dalla morte alla gloria.

Da allora sino ad arrivare al di di oggi,
un’altra guerra è dovuta passare,
e il Sardo perde la casa ma non la tempra,
seguono due presidenti, e la gente
cerca ancora la corretta via,
La quale è difficcile da trovare.

Oh popolo Sardo tu hai una storia
ed è meglio che ogni posto e popolo
ce l’abbia in mente,
tutti i sacrifici e la gloria
per alzarsi con dignità
Gridando assieme, questa è la gente di Sardegna.